+354 551-8156 postur@kvenrettindafelag.is

Taktu þátt í að marka stefnu Kvenréttindafélagsins! Stefnumótunarfundur og veisla 24. október ‏ 2015

Núna 24. október fögnum við því að 40 ár eru liðin frá því að konur lögðu niður vinnu hér á Íslandi og kröfðust þess að þær fengi sömu laun fyrir sömu vinnu.

Við höfum náð langt á þessum fjörutíu árum, en kynjamisrétti viðgengst enn hér á landi. Konur eru enn aðeins 13% lögregluþjóna, 11% hæstaréttadómara og 9% framkvæmdastjóra í fjármálageiranum. Kynbundinn launamunur er enn 7,6%. Ofbeldi gegn konum er landlægt. 42% kvenna hafa orðið fyrir ofbeldi af hálfu karla, 24% kvenna hafa orðið fyrir kynferðisofbeldi af hálfu karla, og 4% kvenna hafa orðið fyrir ofbeldi af hálfu karla á undangengnum 12 mánuðum.

Kvenréttindafélagið samþykkti stefnuskrá félagsins á landsfundi árið 1992. Þessi stefnuskrá er því komin vel til ára sinna og nær hún engan veginn utan um baráttumál 21. aldarinnar. Við leitum til ykkar, kæru félagar í Kvenréttindafélaginu, að semja með okkur nýja stefnuskrá til þess að marka starf okkar næstu árin.

Við bjóðum þér að taka þátt í morgunverðarfundi kl. 10:00–12:00 laugardaginn 24. október næstkomandi. Á fundinum tökum við saman þau mál sem brenna á okkur og skulu grundvalla áframhaldandi starfsemi félagsins.

Að sjálfsögðu verður morgunmatur og kaffi í boði. Og þátttakendum á fundinum er boðið í veislu á Hallveigarstöðum það sama kvöld, þar sem við fögnum ærlega að 100 ár eru liðin frá því við fengum kosningarétt, 40 ár eru liðin frá því við fórum fyrst í verkfall, og 20 ár eru liðin frá því að þjóðir heims skrifuðu undir framkvæmdaáætlun um jafnrétti kynjanna í Beijing.

Skráið ykkur á stefnumótunarfund hér:

2015 skráning - Stefnuskrá Kvenréttindafélagsins - fundur 24. október 2015
Stefnuskrá félagsins er ákveðin af félögum í Kvenréttindafélagi Íslands! Ef þú ert ekki skráð/ur í félagið, þá getur þú gengið í það með því að fylla út formið hér þér´á hægri hönd!
Sending

Komdu í Kvenréttindafélagið!

Félagaskráning - Popp

Stuðningur þinn skiptir máli!

Kvenréttindafélag Íslands hefur staðið vörð 
um réttindi kvenna á Íslandi síðan 1907. 
 
Félagsgjöld eru 4.000 kr. á ári.