+354 551-8156 postur@kvenrettindafelag.is

Viltu sitja í ritnefnd 19. júní í ár?

19. júní er elsta starfandi kvenfrelsisblað á landinu og eitt elsta tímarit landsins, en það hefur komið út árlega síðan árið 1951. Í ár kemur því út 64. árgangur blaðsins.

Blaðið hefur síðustu tvö árin aðallega verið gefið út í rafrænu formi, sérstaklega hannað lesturs á sem flestum tækjum, hvort sem er pínulitlum snjallsímum, millistórum spjaldtölvum eða flennistórum tölvuskjám. Í tengslum við útgáfu blaðsins voru allir eldri árgangar tímaritsins færðir á stafrænt form, og geta áhugasamir lesið það og halað niður á heimasíðu félagsins, hér.

Í tilefni afmælisársins 2015, þegar við fögnum því að 100 ár eru liðin frá því að konur fengu kosningarétt, stendur til að 19. júní verði gefið út í sérstakri hátíðarútgáfu, prentaðri og jafnvel innbundinni, ásamt því að vera gefið út rafrænt.

Vilt þú sitja í ritnefnd 19. júní í ár? Hafðu samband við okkur, postur @ kvenrettindafelag.is.

Ritstjóri blaðsins er formaður Kvenréttindafélagsins, Steinunn Stefánsdóttir, blaðamaður og fyrrum aðstoðarritstjóri Fréttablaðsins.

Komdu í Kvenréttindafélagið!

Félagaskráning - Popp

Stuðningur þinn skiptir máli!

Kvenréttindafélag Íslands hefur staðið vörð 
um réttindi kvenna á Íslandi síðan 1907. 
 
Félagsgjöld eru 4.000 kr. á ári.