enis
+354 551-8156 postur@kvenrettindafelag.is

Skuggaskýrsla vegna framkvæmd Íslands á Kvennasáttmálanum

Kvenréttindafélag Íslands og Mannréttindaskrifstofa Íslands hafa skilað inn svokallaðri skuggaskýrslu til nefndar Sameinuðu þjóðanna, sem nú undirbýr fund þar sem fulltrúar íslenska ríkisins verða yfirheyrðir um framkvæmd Kvennasáttmálans.

Ísland undirritaði samning Sameinuðu þjóðanna um afnám allrar mismunar gagnvart konum, eða Kvennasáttmálann eins og hann er betur þekktur (e. CEDAW: Convention on the Elimination of All Forms of Discrimination Against Women) á kvennaráðstefnu Sameinuðu þjóðanna í Kaupmannahöfn 1980, en hann var fullgiltur af Alþingi 1985 eftir mikinn þrýsting frá kvennasamtökum. Í dag eru 189 ríki aðilar að sáttmálanum. Hægt er að lesa Kvennasáttmálann og fræðast meira um hann á vefsíðu Mannréttindaskrifstofunnar.

Kvennasáttmálinn inniheldur 30 ákvæði og inngangsorð, sem eru grunnreglur um jafnrétti og áætlanir ríkja til að koma í veg fyrir mismunun gegn konum. Reglulega eru aðildaríki að sáttmálanum kölluð á fund Sameinuðu þjóðanna til að athuga hvort að aðgerðir þeirra, áætlanir eða lagasetningar samræmist Kvennasáttmálanum. Fyrir þessa athugun skila ríki inn formlegri skýrslu um uppfyllingu á ákvæðum sáttmálans. Hægt er að lesa nýjustu skýrslu íslenska ríkisins á vefsíðu Mannréttindastofnunar Sameinuðu þjóðanna.

Framkvæmd Íslands á Kvennasáttmálanum verður tekin fyrir á fundi nefndar Sameinuðu þjóðanna um Kvennasáttmálann í Genf, 17. febrúar 2016. Fyrir þennan fund voru frjáls félagasamtök beðin um að skila inn svokallaðri „skuggaskýrslu“, þar sem bent er á brotalamir í lagasetningum og áætlunum ríkisins, hvað betur má fara í starfi ríkisins til að útrýma mismunun gagnvart konum.

Smellið hér til að hlaða niður skuggaskýrslunni sem Kvenréttindafélag Íslands og Mannréttindaskrifstofa Íslands skiluðu inn fyrir fund nefndar Sameinuðu þjóðanna um framkvæmd Íslands á Kvennasáttmálanum 2016.

Komdu í Kvenréttindafélagið!

Félagaskráning - Popp