+354 551-8156 postur@kvenrettindafelag.is

Kynleg kennsla í grunn- og framhaldsskólum

Stúlkur rétta upp hönd. Ljósmyndari Barry Batchelor/PA
Stúlkur rétta upp hönd. Ljósmyndari Barry Batchelor/PA

Kvenréttindafélag Íslands býður upp á súpu og spjall í hádeginu mánudaginn 12. mars. Á þessum fundi verða kynntar hugmyndir um kennslu í jafnrétti og kynjafræði á framhalds- og grunnskólastigi. Verið velkomin í súpu, brauð og fróðleik milli kl. 12 og 13 á Hallveigarstöðum. Aðgangur og veitingar eru ókeypis.

Á fundinum mun Hanna Björg Vilhjálmsdóttir kynna námskeið sem hún hannaði til kennslu í kynjafræði við Borgarholtsskóla. Borgarholtsskóli var fyrstur framhaldsskóla á landinu til að taka upp kennslu í kynjafræði, en þrír aðrir skólar hafa fylgt í kjölfarið. Námskeið Hönnu vakti töluverða athygli í lok síðasta árs þegar einn nemandi hennar sendi aðsenda grein í Fréttablaðið og lýsti hvaða áhrif hugmyndafræði jafnréttis hefði haft á hann.

Með Hönnu mætir Þórunn Jóna Hauksdóttir, sérfræðingur hjá Mennta- og menningarmálaráðuneytinu. Þórunn Jóna mun fjalla um jafnrétti og aðra grunnþætti menntunar. Hún mun fara nánar út í hvernig jafnréttiskennslu er fyrir komið á framhalds- og grunnskólastigi samkvæmt námskrá.

Komdu í Kvenréttindafélagið!

Félagaskráning - Popp

Stuðningur þinn skiptir máli!

Kvenréttindafélag Íslands hefur staðið vörð 
um réttindi kvenna á Íslandi síðan 1907. 
 
Félagsgjöld eru 4.000 kr. á ári.