+354 551-8156 postur@kvenrettindafelag.is

Stjórnmálaskóli fyrir konur af erlendum uppruna

Langar þig að bjóða þig fram til Alþingis eða kynnast íslenskum stjórnmálum? Viltu kynnast öðrum konum af erlendum uppruna sem hafa áhuga á stjórnmálum?

Vertu velkomin á námskeið Kvenréttindafélags Íslands fyrir konur af erlendum uppruna um stjórnmál og pólitískt starf. Ókeypis skráning hér: http://kvenrettindafelag.is/politik

Á námskeiðinu verður farið yfir starf og stefnumál helstu stjórnmálaflokka og hagsmunasamtaka, farið yfir „óskrifaðar reglur“ stjórnmálanna, framsaga og ræðuhöld kennd og unnið að tengslamyndun þátttakenda. Í lok námskeiðsins gengur þú út með áætlun um hvernig þú getur breytt samfélaginu!

Námskeiðið tekur 7 vikur og kennt er á mánudagskvöldum.

Þátttökugjald er EKKERT.

2. október 2017
Kynning

9. október 2017
Pólitík í víðari skilningi. Hvar er hægt að bjóða sig fram og hafa áhrif, t.d. í félagsstarfi, stéttarfélögum, hverfastarfi, o.s.frv.

16. október 2017
Heimsókn frá stjórnmálaflokkum I. Kynning á stærstu flokkum landsins og flokkastarfi

23. október 2017
Heimsókn frá stjórnmálaflokkum II. Kynning á stærstu flokkum landsins og flokkastarfi

30. október 2017
Framsaga, ræðuhöld og sjálfsstyrking

6. nóvember 2017
Rætt við konur af erlendum uppruna sem hafa tekið þátt í pólitík

13. nóvember 2017
Lokakvöld. Þátttakendur ræða framtíðaráform sín.

 

Kennt er á íslensku, en hægt er að taka þátt í umræðum á ensku.

Tímabil: 2. október til 13. nóvember 2017
Staður og tími: Hallveigarstaðir, Túngata 14, 101 Reykjavík, mánudaga kl. 19:00–21:00.
Umsjón: Sabine Leskopf, varaborgarfulltrúi

Athugið, hjólastólalyfta er í húsinu sem tekur 225 kg.

Skráðu þig: http://kvenrettindafelag.is/politik

Námskeiðið er styrkt af Þróunarsjóði innflytjendamála

1 Response

Komdu í Kvenréttindafélagið!

Félagaskráning - Popp

Stuðningur þinn skiptir máli!

Kvenréttindafélag Íslands hefur staðið vörð 
um réttindi kvenna á Íslandi síðan 1907. 
 
Félagsgjöld eru 4.000 kr. á ári.