Í sjöunda skipti í ár stendur Kvenréttindafélag Íslands fyrir Kynjaþingi, lýðræðislegum og femíniskum vettvangi fyrir almenning, félagasamtök og hópa sem vinna að jafnréttismálum.
Dagskrá þingsins er með nokkuð breyttu skipulagi í ár þar sem við blöndum saman fræðandi erindum og femínísku fjöri. Markmiðið er að auka samræður milli okkar sem er annt um jafnrétti í heiminum og gefa almenningi tækifæri til að kynnast því helsta sem er að gerast í femíniskri umræðu sem og að gleðjast og finna stuðning.
Þema Kynjaþings í ár er Kvennaár og samstaðan. Alvarleg staða í heimsmálunum gerir samstöðuna og gleðina enn mikilvægari! Baráttan er svo sannarlega ekki búin.
Á Pálínutorgi þingsins verður gott rými til að gæða sér á framúrskarandi veitingum og skoða og prófa til dæmis:
- Barmmerkjagerð
- Bílskúrssölu Kvenréttindafélagsins
- Fataskiptimarkað
- Spákona
- Hannyrðapönkarinn
- Kvennaársvörur frá Listasafni ASÍ
- Barnahornið -gæsla fyrir börn á aldrinum 4-10 ára
- Selfiehornið
- QnA hornið
- Palestínublóm
Í hátíðarsal verða erindi og pallborð. Dagskráin er afar spennandi:
Kl. 12.30 Opnun
Kl. 12.45 Ávarp – Tatjana Latinovic formaður KRFÍ
Kl. 13.00 Úlfur í sauðagæru – Þegar öfgaíhald klæðist femínisma – Samtökin ´78
Kl. 14.00 Týndi fjársjóðurinn – ÖBÍ
Kl. 15.00 Control over women’s bodies is the basis of patriarchy – Vestnorrænir femínistar
Kl. 16. Kvennaár 2025 – Femme fun -myndband og pöbbkviss
Að herlegheitunum loknum verður svo happy hour í matsal
