![](https://kvenrettindafelag.is/wp-content/uploads/2019/11/72781136_2487198861373569_9169026050426929152_o-1.jpg)
Kvenréttindafélag Íslands býður ykkur velkomin á femíníska sögugöngu á kvennafrídegi, fimmtudaginn 24. október kl. 17:00.
Tinna Eik Rakelardóttir, stofnandi Reykjavík Feminist Walking Tour, leiðir gesti í fótspor kvenna í miðborg Reykjavíkur, og segir byltingarsögu borgarinnar.
Gangan fjallar um ýmsa einstaklinga og hópa sem hafa haft söguleg áhrif á réttindabaráttu á Íslandi en sem oft gleymist að nefna í hefðbundnu sögulegu samhengi. Aðaláhersla er lögð á réttindabaráttu kvenna en einnig verður komið inn á atriði sem varða réttindabaráttu fatlaðra, hinsegin fólks, innflytjenda og fátækra og þá í feminísku samhengi.
Mæting er fyrir framan Kvennaheimilið Hallveigarstaði á Túngötu 14. Lagt er af stað kl. 17:00.
Öll velkomin í gönguna. Hún er aðgengileg hjólastólum, en á einstaka umferðarljósi er 3 sm misfella.