19. júní nálgast og að venju fögnum við deginum í samvinnu við önnur kvennasamtök. Við hvetjum einnig fólk til að vera í/bera eitthvað bleikt þennan dag til að sýna samstöðu við jafnréttis- og kvennabaráttuna.
Dagskrá:
Kl. 16:15 Kvennasöguganga undir leiðsögn Auðar Styrkársdóttur, forstöðumanns Kvennasögusafns Íslands. Gangan hefst við Bríetarbrekku á horni Þingholtsstrætis og Amtmannsstígs í Reykjavík. Gengið verður um Þingholtin, Kvosina og endar við Hallveigarstaði v/Túngötu.
Kl. 17:00 Móttaka Kvenréttindafélags Íslands, Kvenfélagasambands Íslands og Bandalags kvenna í Reykjavík í samkomusal Hallveigarstaða, kjallara. Erindi flytja:
- Margrét K. Sverrisdóttir, formaður KRFÍ
- Steinunn Valdís Óskarsdóttir, alþingismaður
- Steingerður Steinarsdóttir, ritstjóri 19. júní
17:30 Veitingar og kaffispjall.
Allir velkomnir
