Skv. fréttastofu Reuters hefur Vatíkanið skorað á þjóðir heims að innleiða lög sem gera kaup á vændi refsiverð. Vatíkanið álítur að þetta muni draga úr ofbeldi gegn konum og bindi enda á það nútíma þrælahald sem Vatíkanið álítur að vændi sé.

Þess má geta að stjórnarfrumvarp  sama efnis er til umsagnar í norska þinginu, þ.e. að gera kaup á vændi refsivert. Ný lög munu að öllum líkindum verða tekin í gildi þar í landi í byrjun næsta árs.