Kvenréttindafélag Íslands hefur verið aðildafélag að IAW, eða International Alliance of Women, frá stofnun okkar 1907.
Í fjórða fréttabréfi ársins 2015 kennir ýmissa grasa.
Sagt er frá alþjóðafundi samtakanna sem verður haldinn í París á þessu ári. Til stóð að hann væri haldinn í Kuwait, en á seinustu stundu var fallið frá þeirri áætlun, þar sem aðildafélag IAW, Union of Kuwaiti Women, taldi sig ekki geta tryggt öryggi fundargesta.
Í fréttabréfinu birtast skýrslur frá fulltrúum IAW í New York, Evrópuráðinu og EWL – European Women’s Lobby. Þar er einnig að finna upplýsingar um nýlegar breytingar á herskyldu í Noregi, en konur eru þar nú einnig kvaddar í herinn, og eru skiptar skoðanir femínista um þá breytingu. Einnig er hægt að finna hér krækjur í femínískar ályktanir um staðgöngumæðrun, og sagt frá AWID – Women’s Rights og andmælum þeirra við ákvörðunum sem nýlega hafa teknar í Sameinuðu þjóðunum til að „vernda fjölskylduna“.
