Umsóknareyðublað er hægt að nálgast hér að neðan og er óskað eftir vönduðum frágangi við umsókn. Við styrkúthlutun er haft eftirfarandi að leiðarljósi:
Skilyrði fyrir styrk er að verkefni séu kvennaverkefni þ.e. unnin af konum og fjalli um málefni kvenna. Að þessu sinni verður áherslan á ritstörf, ritgerðir eða rannsóknir, einkum um þjóðfélagsmál er varða konur. Einnig koma til greina ferðastyrkir til framhaldsrannsókna á ofangreindu sviði.
Nefnd skipuð stjórn MMK metur umsóknir. Nefndin áskilur sér rétt til að meta 2-3 styrkhæfar umsóknir. Styrkur verður greiddur út þegar fyrir liggur greinargerð um stöðu verkefnisins. Úthlutað verður kr. 100.000.-
Umsóknir skulu berast fyrir 5. september nk. til:
Menningar- og minningarsjóðs kvenna Hallveigarstöðum Túngötu 14 101 Reykjavík
Menningar- og minningarsjóður kvenna (MMK) var stofnaður með dánargjöf Bríetar Bjarnhéðinsdóttur sem börn hennar Laufey og Héðinn afhentu KRFÍ 1941. Bríet hafði sjálf átt hugmyndina að stofnun sjóðsins.
