+354 551-8156 postur@kvenrettindafelag.is
+354 551-8156 postur@kvenrettindafelag.is

Metum störf kvenna að verðleikum. #kjarajafnréttistrax

Kvennafrí 2018. Mynd Rut Sigurðardóttir

Í dag fyrir fimmtíu árum var útvarpað ákalli til kvenna á rauðum sokkum að mæta niður á Hlemm og mótmæla í kröfugöngu verkalýðshreyfingarinnar. Rauðsokkurnar marseruðu niður Laugaveginn 1. maí 1970 og endurnýjuðu femínísku baráttuna á Íslandi. 

Mörg baráttumál Rauðsokkanna hafa áunnist síðustu hálfa öldina, en enn eru mörg óunninn. Kynbundið ofbeldi er geigvænlegt vandamál á Íslandi, konur hafa enn lægri laun en karlar og störf kvenna eru vanmetin. 

Konur á Íslandi hafa lagt niður vinnu sex sinnum síðustu 45 árin til að mótmæla kynbundnum kjaramun. Konur eru þó enn með 26% lægri atvinnutekjur að meðaltali en karlar. 

Ísland og þjóðir heims glíma nú við mesta heimsfaraldur síðan spænska veikin geisaði árið 1918. Konur standa vaktina í framlínu í baráttunni við Covid-19. Konur eru 75% af starfsfólki í heilbrigðis- og félagsþjónustu, 76% starfsfólks í fræðslustarfsemi og 57% þeirra sem starfa við þjónustu og verslun. Án vinnuframlags kvenna væri baráttan við veiruna ómöguleg. 

Covid-19 heimsfaraldurinn afhjúpar rangt verðmætamat vinnumarkaðarins. Störf kvenna eru undirstaða samfélagsins og kjörin þurfa að endurspegla það.

Nú er nóg komið. 

Metum störf kvenna að verðleikum.

#kjarajafnréttistrax

Komdu í Kvenréttindafélagið!

Félagaskráning - Popp

Stuðningur þinn skiptir máli!

Kvenréttindafélag Íslands hefur staðið vörð 
um réttindi kvenna á Íslandi síðan 1907. 
 
Félagsgjöld eru 4.000 kr. á ári.