Femme EMPOWER er spennandi jafnréttisverkefni fyrir ungar konur og kvár. Verkefnið er styrkt af Erasmus+ áæltun Evrópusambandsins og stendur yfir til loka árs 2025. Alls taka fimm evrópsk félagasamtök þátt í verkefninu auk Kvenréttindafélagsins.

Þau eru:

Markmið

Femme EMPOWER er að skapa vettvang og forsendur fyrir ungar konur og kvár af mismunandi uppruna og þjóðfélagsstöðu til að vinna saman að framgangi jafnréttis og manréttinda innan hvers þátttökuríkis fyrir sig og þvert á landamæri.

Leiðir að markmiðinu

Þátttakendur í Femme EMPOWER munu gera markmið verkefnisins að veruleika með aðstoð félagasamtakanna. Það helsta sem félagasamtökin munu standa að fyrir þátttakendur er eftirfarandi:

2024

  • Fimm daga námskeið í haust um atriði sem lúta að manréttinda- og jafnréttisbaráttu ungra kvenna og kvára, inntak skilaboða, lýðræðis- og stjórnkerfið, og leiðir til að koma skilaboðum á framfæri. Námskeiðið verður haldið í Hinu húsinu helgina 31. ágúst til 1. september og helgina 7. og 8. september. Lokadagurinn verður 10. september.

  • Tækifæri til að stofna fyrsta Ungmennaráð Kvenréttindafélags Íslands og netverk þvert á landamæri sem tengir saman ungar konur og kvár með brennandi áhuga á manréttinda- og jafnréttismálum, gefur þeim tækifæri til að læra og veita hver annarri stuðning, láta rödd sína heyrast og til sín taka!

2025

  • Áframhaldandi samvinna innan hópsins og við hópana í hinum þátttökulöndunum.

  • Fræðsluferð (e. study visit) í Reykjavík í lok janúar.

  • Sumarskóli í Rúmeníu.

  • Ferð (e. advocacy trip) til stofnana Evrópusambandsins (ESB) í Brussels um haustið þar sem þátttakendur munu fá
    tækifæri til að miðla og ræða sína afstöðu til stefnumótunar ESB í réttindamálum ungra kvenna og kvára.

Þátttaka í Femme EMPOWER

Í öllum þátttökulöndunum er 30 ungum konum og kvárum á aldrinum 18 til 30 ára boðin þátttaka í verkefninu.

Nánari upplýsingar er að finna undir FEM fréttir.

Verkefnastjórn

Verkefnastýra Femme EMPOWER á Íslandi er Magnea Marinósdóttir, stjórnmálafræðingur og sérfræðingur í jafnréttismálum.

Það er hægt að ná í hana með því að senda tölvupóst á magneamarinos@gmail.com.

FEMME Fréttir

Fyrirvari: Femme Empower verkefnið er fjármagnað af Erasmus+ sjóði Evrópusambandsins (ESB). Hins vegar eru allar skoðanir og ummæli, sem eru sett fram innan ramma Femme Empower verkefnisins, alfarið á ábyrgð þeirra sem miðla þeim og endurspegla ekki endilega skoðanir ESB eða EACEA. ESB sem stofnun og sú undirstofnun sem heldur utan um Erasmus+ sjóðinn, the European Education and Culture Executive Agency (EACEA), taka m.ö.o. enga ábyrgð á skoðunum og ummælum sem sett eru fram.